नवेगाव/बांध पोलीस ठाणे अंतर्गत,मुंगली येथील घटना..
शब्दसंदेश न्यूज नेटवर्क,
अर्जुनी/मोर. दि.२१ डिसेंबर २०२४
अर्जुनी मोरगाव तालुक्यातील मुंगली येथील अल्पवयीन मुलगी ही ०७ डिसेंबर रोजी मैत्रिणीकडे खेळण्यासाठी गेली. दरम्यान घरी परत येत असताना,आरोपीने पीडित मुलीला घरात घेवून तिच्यावर अत्याचार करण्याचा प्रयत्न केला होता. काही दिवसानंतर मुलीची प्रकृती खालवल्याने तिने घटनेचा उलगडा आई-वडिलांसमोर केला. पीडित मुलीच्या कुटुंबाने नवेगाव बांध पोलीस ठाणे गाठून या प्रकरणाची तक्रार केली. दरम्यान १९ डिसेंबर रोजी आरोपी रजनीकांत कमलदास वालदे(३६) यांच्याविरुद्ध नवेगाव/बांध पोलिसात गुन्हा दाखल करण्यात आला आहे.
सविस्तर असे की,नवेगाव/बांध पोलीस ठाणे अंतर्गत,मौजा मुंगली येथील पीडित ९ वर्षीय अल्पवयीन मुलगी ७ डिसेंबर रोजी ही मैत्रिणीकडे खेळण्यासाठी गेली होती. १२:०० वाजेच्या सुमारास घरी परत येत असताना, आरोपी रजनीकांत वालदे याने तिला घरात नेले. व तिला नीरवस्त्र करून अत्याचार करण्याचा प्रयत्न केला. त्यातच पीडित मुलीने आरोपीच्या हाताचा चावा घेत दाराची कडी काढून तिथून पळ काढला. काही दिवसापासून ती घाबरलेली असून मुलीची प्रकृती खालवली. दरम्यान अल्पवयीन मुलीने आई-वडिलांना घटनेची माहिती दिल्याने १९ डिसेंबर रोजी आरोपीविरुद्ध नवेगाव/बांध पोलिसात कलम अपराध क्र.२०२४ कलम ७६ भारतीय न्याय संहिता २०२३ कलम ०८,१२ बाल लैंगिक अ.प्र.का. २०१२ अंतर्गत गुन्हा नोंद करण्यात आला. पुढील तपास पो.ना. वैशाली घनमारे पोलीस निरीक्षक योगिता चापले करीत आहेत.
