आमगाव तालुका काँग्रेस कमिटीची मागणी
तहसीलदार यांना दिले निवेदन
शब्दसंदेश न्यूज नेटवर्क,
आमगाव, दि.16 डिसेंबर 2024
महाराष्ट्र राज्यामध्ये नुकत्याच झालेल्या विधानसभा निवडणुकीचे निकाल राज्यातील जनतेसाठी धक्कादायक अविश्वासनीय व अकल्पनीय आहेत कोणतीही लाट नसताना पाच महिन्यापूर्वी झालेल्या लोकसभा निवडणुकीतील निकालाच्या एकदम उलट निकाल कसे काय लागू शकतात असा प्रश्न राजकीय नेते कार्यकर्ते यांच्यासह पत्रकार राजकीय विश्लेषक, सामाजिक कार्यकर्ते यांच्यासह सर्वसामान्य नागरिकांना पडला आहे.
या निवडणुकीत मतांच्या टक्केवारीतील तफावत गंभीर व तीनचा जनक प्रकार आहे निवडणूक आयोगाने जाहीर केलेल्या आकडेवारीनुसार मतदानाच्या दिवशी सायंकाळी 5 वाजता 58.22 टक्के मतदान झाले.त्याच रात्री 11.30 वाजता 65.02 टक्के तर देव दुसऱ्या दिवशी 21 नोव्हेंबर रोजी हेच मतदान 66.05 टक्के झाल्याचे सांगितले यात एकूण 7.83 टक्के वाढ झाल्याचे स्पष्ट दिसत आहे तब्बल 76 लाख मताची ही वाढ असून मतदानाचा टक्का कसा का वाढला? असा प्रश्न उपस्थित होत आहे त्यामुळे ईव्हीएम हटाव देश बचाव चा नारा नागरिक करीत आहेत तसेच मतदान बायलेट पेपरवर घेण्यात यावे अशी मागणी काँग्रेस पक्षाचे पदाधिकारी कार्यकर्ते तसेच नागरिक करीत आहेत.
याबाबतचे निवेदन गोंदिया जिल्हा काँग्रेस कमिटीचे महिला अध्यक्ष वंदनाताई काळे, काँग्रेसचे नेते एड. दुष्यंत किरसान, तालुका अध्यक्ष संजय बहेकार, महिला तालुका अध्यक्ष छबुताई उके, किसान विभागाचे जिल्हा उपाध्यक्ष दिलीप टेंभरे यांच्या नेतृत्वात तहसीलदार मार्फत महामहीम राष्ट्रपती यांच्या नावे निवेदन देण्यात आले
यावेळी काँग्रेस पक्षाचे महिला जिल्हाध्यक्ष व जिल्हा परिषद सदस्या वंदनाताई काळे, काँग्रेस नेते एड. दुष्यंत किरसान, तालुका अध्यक्ष संजय बहेकार, जिल्हा परिषद सदस्या छबुताई उके, तालुका अध्यक्ष संजय बेहकार, किसान सेलचे जिल्हा उपाध्यक्ष दिलीप टेंभरे, तालुका महासचिव राधाकिसन चुटे, महिला शहर अध्यक्ष प्रभादेवी उपराडे, सुनंदा येरणे, महेश उके, रामेश्वर शामकुवर, सिरेंद्रसिंह ठाकूर,युवक काँग्रेस विधानसभा उपाध्यक्ष राहुल चुटे, अभय ढेंगे, मृदुल मिश्रा, राजू काळे,देवकांत बेहकार, रामदास गायधने, यादोराव भोयर, राजेंद्र हत्तीमारे, येवकरम उपराडे, हंसराज मेश्राम, श्यामराव हुकरे, शुभम फरदे, आकाश राऊत, टेकराम हेमने, तसेच काँग्रेसचे पदाधिकारी व कार्यकर्ते उपस्थित होते.
